بص يا سيدنا ... المفروض أتكلم معاك عن اهم حاجة بتشغلني ...و كل اما افكر في حاجة مهمة الاقيها ي الاخر مش مهمة ... يعني إيه ؟ يعني الواحد بيكتشف دايماً بعد الصراع و الكفاح و الضرب و الهبد إن الموضوع مش مستاهل .. أي موضوع .. أي حاجة بالفعل لا تساوي شيئاً في هذا البلد .. اتنين قريبين مني في خلال فترة متقاربة قالوا لي نفس الكلام ... قالوا لي : انت عدمي .. قلت لهم نفس الرد .. " عدمك ازاي يعني ؟.." .. بس الكلمة رنت في وداني .. عدمي .. عدمي ... ظريفة برضه ..
واحدة صديقتي قالت لي انت لازم تكتب عن الشاي .. على أساس إن أنا محرر كبير في جرنال عظيم ... المهم .. الشاي .. الشاي كائن جميل .. انا أحب الشاي .. لأجل صديقتي أكتب عن الشاي .. عندما أحط في أي مكان جديد " كأي رحالة عادي .." أبحث عن الشاي و البيسين .. " البيسين يعني الحمام بلغة أصحابي " .. الشاي مهم في حياتي لأنه .. يجب أن يكون موجوداً معي كل يوم ... كفاية بقى شاي .
ليست هناك تعليقات:
إرسال تعليق