٨/١٨/٢٠٠٨

لا لمعاملتنا كعبيد ...


السيدة الفاضلة زوجة الرئيس و أم الرئيس المنتظر كانت في المنصورة اليوم ...

و لك أن تتخيل و تتوقع ثم تشاهد ..

** من روائع هذا اليوم إنه امبارح كان في مئات اللافتات في طلخا بترحب و تهني و طبعاً كلها عليها صور ماما سوزان و جنبها مركبين صورة المحافظ الجديد _ مش عارف اسمه ايه_ النهارده بقى لقينها كلها اتشالت قبل ما يوصلوا بالسلامة .. يا ترى ليه ؟ مش عارف ...


*** عدينا كوبري طلخا في حوالي نص ساعة .. و هنا عرفت معاناة اخواننا القاهريين و فهمت يعني ايه كبت و افترا زيادة عن اللازم علشان شخص يعدي ... مجرد بني آدم عادي بياكل و يدخل الحمام و يجوع و يعطش و يمرض و يموت ... عادي يعني..


** بيقولوا كانت جايبة عيال نضيفة و مستحميين و عاملين قصة بس من عندها ... جايباهم معاها في الموكب علشان يتصوروا انهم ابناء الدقهلية القراء الصغار ...

*** طبعاً العربيات اللي راكنة في شارع الجيش كلها اتشالت بالونش و اترمت في اي شارع داخلي و صاحبها يطلع مياتين أمه على ما يلاقيها ..

**** تصوروا لقت أكشاك مليانه كتب اتزرعت النهارده الصبح على الأرصفة ... قال يعني احنا زاحمين المكتبات و مش لاقيين مكان نقرأ منه فبنروح الكاشك دي .. و تلاقهيا أكشاك عيش و دهنوها ... و الا الأكشاك العجيبة اللي ملوا البلد بيها و قالو هتبقى للخدمات الجماهيرية ....ههههههه .. الخدمات الجماهيرية .. يا أخي إإح ..

هناك ٣ تعليقات:

هويدا صالح / عشق البنات يقول...

طبعا أنت محتار إيه اللي بيحصل
كله انكشح وبان يا معلم
كله قاله لي يحيي قادري اليوم وأحمد البنداري وإبراهيم الجهيني وأمل جمال ووسام قابيل ومحمد المنصوري ...
طبعا أنت برضو مش فاهم
مش مهم تفهم
الولاد هيفهموك
ومحمد هيبلغك رسالة
تنفذها
ماشي يا ريس
هرجع تاني اشوف فهمت شفرات كلامي ولا لسه
يسعد مساك
يا أحمد ثروت الجابري
ههههههههههههههههههههههههههههه

أسماء علي يقول...

لا جديد

ده اللي بيحصل دايما

هههههههههههههه

الجديد إنه أثار استغرابك لدرجة انك تكتب عنه ..!

غير معرف يقول...

المسألة هنا ربما مجرد تنفيسه ....