لما تدخل منتدى من المنتديات و تبدأ الأحداث و المواضيع تسخّنك ، أو تكون سخن طبيعي من الحياة في مصر
على طول بتكون مضطر تصطدم بالمشرفين على المنتدى
من جهة ، انت عايز تفضفض أو تصرّخ أو تجمع بني آدميين حواليك تسندوا بعض
و من جهة تانية هم عايزين يحافظوا على موقعهم من الإغلاق أو سرقة البانات التي عليه مثلما حدث لمنتدى كلية الحقوق بجامعة المنصورة قريباً ..
الحل الجميل اللي ظهر هو المدونات
كل واحد عايز يقول أي حاجة بيقولها في مدونته
كل واحد عايز يعمل اي شكل و يدعو لأي حاجة ... بيعمل كده في مدونته
بس هل معنى ده ان المنتديات معاتش ليها أهمية ... طبعاً لأ ..
لأن في وظائف كتير المدونات متقدرش تعوّض المنتديات فيها ..
زي لقاء مجموعة كبيرة من البشر ،، أو تخصص المنتدى في حاجة معينة .. زي تلبية طلبات لفئة معينة ..
جايز بعض الناس يفتكروا إن الكلام بالحق محتاج حبوب شجاعة ..
مع إن العملية بسيطة خالص .. لا حبوب و لا دياولو
الموضوع و ما فيه .. إن كل أما تكون مؤمن بحاجة .. كل أما يقل خوفك من كل حاجة تانية ..
و المؤمن بالله و بالحق .. مافيش أي شيء في الدنيا يقدر يخوفه
و مع ذلك فالمؤمنين درجات .. و الجنة درجات .. و النار برضه درجات
بس الحق اللي هو ربنا .. حق واحد بس
و مليون مرحب بأي حد يحاول يكسر و لو طوبة من جدار الخوف اللي محاوطنا من يوم ما اتولدنا
ليست هناك تعليقات:
إرسال تعليق