3/25/2007

حاجات


التعديلات الدستورية ليست تحت وصاية أحد

الكلمة الآن للشعب

" أسامة سرايا .. الأهرام 24/3/2007 "

طيب .. إيه بقى ..

- تحيق أو مقال .. لم أستطع ان أحدد بالضبط .. تحت عنوان :

المواطنون : متمسكون بحقوقنا في الإدلاء بأصواتنا

كتبت المحررة / نادية الملاخ

رأي المواطنين .. كل المواطنين .. إذن لماذا الاستفتاء أساساً إذا كان المواطنون يخبرون " نادية " بما يريدون و ما في نواياهم ..

برضه الأهرام في 24/3/2007 الصفحة 22

- على الصفحة 23 في نفس العدد الطرائفي مانشيت كبير و حليوه :

و شهاب في حوار ساخن : التعديلات الدستورية .. استجابة لطموحات الشعب ..

الجريدة حكومية .. و الصحفي حكومي .. و شهاب حكومي .. يبقى حوار ساخن إزاي ؟!

إيه السخونة اللي فيه ؟ إذا كان أي بني آدم في مصر المخروسة .. المحروقة .. الموكوسة .. يقدر يعرف اللي جوه الحوار .. حاجة حلوة .. حلوة خالص ..

- اما الاستاذ / أنيس منصور " في عموده الثابت في آخر صفحة .. تحدث عن " مؤتمر نظمته جامعة المنصورة " حول تكنولوجيا المياه .. المؤتمر كان معقوداً في شرم الشيخ ..

بلا دستور .. بلا فلسطين .. بلا العراق .. بلا عبّاره .. بلا بني آدميين .. بلا مصر .. بلا أي حاجة تهم أي حد ..

و هو ده التفرد ..

و المفاجأة الجميلة .. رفعت السعيد يكتب في الاهرام .. في صفحة 10 من نفس العدد .. طيب يا ترى كتب رفعت السعيد عن التعديلات الدستورية ، و الا عن الاستفتاء حواليها اللي بعد العدد بيومين ؟

لأ

رفعت السعيد كتب عن المعلمين ..

الكادر طبعاً مهم ..

أهم من أم الاستفتاء و الدستور و قانون الارهاب و الاستبداد و التوريث ..

راجل وطني صحيح ..

بس بصراحة صورة الأستاذ رفعت بابتسامته الجميلة كانت منّورة الاهرام ..

يااااااااااااااااااااااااااااااااا رب يا قااااااااااااااادر


هناك تعليق واحد:

j.f يقول...

كلامك جميل انت بتنفس عن نفسك وبتنفس عني وعن الناس كلها بس مين يفهم
شكرا
بس انا راي تبطل تقول اوووووووووووووف اووووووووووف
لحسن انا عما قرات مقالاتك كنت اتنفخت فعلا
كمل ياعم دوس